Alambiqueiros

Valoración: 5 / 5

Star activeStar activeStar activeStar activeStar active
 

O oficio de Alambiqueiro

Ligazón á Galería de Fotos 

A famosa augardente galega

Neste pequeno vídeo que veredes a continuación facemos unhas preguntas sobre o seu traballo a Luís Cid Fernández, un dos últimos alambiqueiros da provincia de Ourense e  quizais un dos últimos de Galicia:

Que facía un alambiquero?

Por todas as aldeas de Galicia ían os alambiqueiros cos seus potes ás casas que os solicitaban para facer as posturas de augardente que tivesen. A súa tarefa consistía en cargar e descargar o bagazo do alambique ademais de colaborar facendo a augardente. Os alambiques tiñan a inscrición e o dni do alambiqueiro, o cal pagaba un tanto anual para ter dereito a ir con el polas aldeas a realizar a súa profesión.

Ata fai poucas décadas empregábase leña para cocer o bullo no alambique. Cando se xeneralizou o uso do gas butano foi cambiando o xeito de quentar o pote. Así como manter a temperatura coa leña non era tarefa fácil, co butano tampouco resultaba sinxelo. Normalmente o augardente faise  cando o tempo é frío e a bombona ten que meterse en auga morna para que siga desprendendo o butano á mesma presión.

A primeira augardente que saca o alambique ten moitos graos e moita forza. Logo, segundo van pasando as horas cada vez sae máis frouxa por iso é preciso ir probando a súa forza ao longo das horas da produción. Sepáranse estes dous tipos de augardentes, a máis forte de cabezas e a máis débil ou zanganilla. O traballo de mesturar ambas ata conseguir un equilibrio é un proceso que require moita experiencia.


Como evoluciona o oficio

Desde fai uns dez anos non é habitual que veñan alambiqueiros polas aldeas debido en parte a varios factores:

  • As xentes que viven nas aldeas son menos e as viñas tamén. Prodúcese pouco viño e non hai bagazo suficiente.
  • Antes a augardente producida polos labregos era vendida polos mesmos nas feiras e era un complemento máis para os ingresos da familia.
  • Hoxe ninguén compra a augardente aos particulares. Véndese baixo un consello regulador e só as bodegas rexistradas teñen o dereito a vendela, previo pago dos correspondentes impostos.
  • A falta de venda, así como a escaseza de viñas. Ambos son algúns dos motivos que fan que a figura do alambiqueiro non sexa precisa nas aldeas.


Pódense adquirir nas feiras alambiques para facer pequenas producións para o consumo. Os que quedan agora na maioría das vilas son deste tipo. As producións actuais son dunha vintena de litros e apenas cobren o gasto anual da casa, pois os galegos son amantes do café con augardente logo do xantar. Na xeración de meu avó cando se erguían do leito o primeiro que almorzaban as seis da mañá era un vaso de augardente con pan para coller forzas para saír a traballar ao campo.

O licor de herbas e o licor café son tamén producidos por xente madura que aínda conserva os coñecementos que recibiron dos seus predecesores. Estes exquisitos licores son elaborados a partir da augardente

En Portomarín, a principios de abril, cada ano celébrase unha das festas máis importantes de Galicia relacionadas con este produto, a feira da augardente de Portomarín. O xeito que teñen nesta zona de facer este prezado líquido espiritoso é con Alquitaras aínda que antigamente o máis frecuente era que o alambiqueiro portase o Alambique. Pese a que ambos artefactos se usen  para o mesmo e teñan un funcionamento semellante difiren no seu deseño.

Oficios e Ferramentas II

Oficios e Ferramentas II

Do 03 ao 17 de Setembro 2018
Oficios e Ferramentas I

Oficios e Ferramentas I

Do 02 ao 13 octubro 2017
Ao Redor de Nós

Ao Redor de Nós

III Exposición con Relato - Barucho e Peruchela - Quiroga 2015
Compadres e Comadres

Compadres e Comadres

II Exposición con Relato - Escairón, xaneiro e febreiro de 2016 Fotos de Compadres e Comadres recollidas grazas aos traballos nos que a xente das aldeas e parroquias se implican facendo unha gran labor de pedagoxía amosándo fragmentos de tempos non moi lonxanos.
Sempre na aldea

Sempre na aldea

- I Exposición con Relato -A vida na aldea no período dun ano, coas costumes habituais da xente do rural .
A Imaxe na Rede

A Imaxe na Rede

Esta mostra foi ideada para presentar a páxina aldeas galegas á xente de a pé.
Imaxes de Natureza e Tradición na Aldea

Imaxes de Natureza e Tradición na Aldea

As miñas fotos máis enxebres expostas na miña localidade de orixe A Pobra do Brollón
Artesanía, Etnografía e Paisaxe

Artesanía, Etnografía e Paisaxe

1ª Mostra de fotografías en Bóveda
Conxunto de Carteis

Conxunto de Carteis